السلام عليكم ورحمة الله وبركاته
. أسمي : ميس
عمري:16 سنة
بلدتي:من المملكة العربية السعودية ، (الرياض)
صارت لي قصه في أحدى مدارس الرياض الثانوية للبنات
كنت في أولى ثانوي بس كنت شايلة المدرسة فوق تحت ما تتصورون كيف ولي أكبر شله في المدرسة ، ما خلينا لا مديرة ولا مدرسه بحالها ولا بنيه ألا خربنها ،وأنا زعيمة الشلة، والمديرة تحاول بكل جهد توقيفي تبي تهديني بلا فائدة .هذا أول السنة و معا نهاية الفصل الأول كنت كالعادة معا الشلة ومرت علينا بنيه أسمها مي وسلمت علينا وجلست جنبي ورديت السلام .بس البنت ما دري بوش أوصفها ،كانت كل مره تسلم وتروح لا ها لمرة غير حبيتها وضحكت لي وراحت. يا لله ضحكتها أثرت فيني ، وبعدها تغيرت والكل ملاحظ خاصة رفقتي أسماء ، لما خبرتها بالسالفة قالت لي تحبينها؟؟؟
قلت يمكن البنية مرررررررررررة أثرت فيني. قالت روحي قولي لها . رديت : أنتي خبلا وين أروح بلا حيا أقولها لا لا مستحيل
أنا لي رب . ورحت البيت وما قدرت أنام أفكر بكلام أسماء ،وبالآخر قررت خلاص يوم السبت بقول لها وكنت أتنضر متى بجي ها ليوم لأن أحنا كنا في أجازة الأسبوع . وجاء يوم السبت وصارحتها وضحكت ذيك الضحكة الحلوة وضحكت معها .وقالت لي : حتى أنا أحبك
حسيت أن الدنيا ابتسمت لي واستمرت علاقتنا بس بحدود .ولما لاحظت المديرة شلون تغيرت وعرفت السالفة سوت لي استجواب . تترجاني أرد مثل أول أشيل المدرسة فوق تحت . تسأل ليه يا ميس تغيرت ترى البنية قاصه عليك البنت بثالثه وأنتي بأولى .شلون قدرت تغيرك بيوم وأنا أحاول شهور واستجواب طويل ما صدقت خلصت .والصدمة عجب ما طلعت من حجرتها نادت مي بعد يا لله وش فيها ها لمديرة الظاهر خرفت وبأول أترست الحجرة بخلق الله بس أنا طلبت منها أطلعهم . وسوت إلي أبية ،وردت القوم مره ثانيه بدور مي وها لمرة مارضت أطلعهم . وأنا كنت خايفة مرة لأني قلت لها كل ألي بينا صداقه لا لها أول ولا تالي . وخفت أتقول غير بس أسماء كانت تهديني .وبعد ما طلعت مي قالت لي خير ليه خايفة ؟؟
السالفة خلصت . وابتسمت أخيراُ وحضنتها .
بس أوصلت السالفة لأمي . وأنا أمي قالت لي :أنا واثقة فيك يا مي بس حاولي لو تبعدين عنها حبيبتي .
وقلت أمي ما تعرف شلون أنا متعلقة بها . بس عبرت عن صداقتنا ألي ما تجاوز حدود الله وأني والله أحبها . وأمي أفهمتني بعد ما طلعت شيب راسي ومرت أيام كنا أتبادل الزيارات وأمي تعرفت على أمها . بس كان لي هم واحد (هذي آخر سنه لها بالمدرسة أذا تخرجت شكون الحال )؟؟؟؟
ومع حفلة نهاية الفصل الثاني قبلها بأسبوعين كانت تكلمني وهي تبكي ولا تبي تقول لي . ويوم الحفلة كنا كلنا الشلة متجمعين وتطبل ونرقص
وسألت أسماء: شسالفة ليه مي تبكي؟؟
ما كنت أتوقع أسما هي اللي تجاوب
.قالت لي : مسكينة ولد عمها جاسم إلي كان خطيبها تخلى عنها وراح يخطب بنت عمها اللي بمثابة أختها وهي أللي خبرتها . قلت تقول لك وأنا أعز ما عندها مثل ما تقول ليه؟؟
ما قالت لي وقمت أبكي .و كل البنات لموا علي وهي من بينهم وقالت لي :ميس حبيبتي وش بلاك توك كنتي مستانسة وتطبلين ؟؟
قلت لها ليه تسألين ليه ما قتيلي عن سالفة جاسم خطيبك ليه تحبينه أكثر مني
ردوا البنات : الكل يعرف سالفة أنها مخطوبة لولد عمها من زمان
قلت : وأنا خبر خير أعز ما عندك وما تقولين .
وكان ذاك اليوم في حفلة ومجلس أمهات . ومراح تبدأ الحفلة ألا لما يخلصون
وأنا خذيت أغراضي من الصف ورحت أركض ورى أمي بعد ما خلصت وأنا أبكي
مسكينة أمي شافتني وأن صدمت
قالت لي :وش بلاك حبيبتي ميس
قلت لها يماه وديني معاك البيت
قالت لي : والحفلة ؟؟
قلت لها : خليها تولي أنا تعبانه بسرعة يمه
وحكيت لها ألي صار بالسيارة
قالت لي : ها لبنيه ما تستحي مرة ثانيه ما تكلمينها
قلت لها : أكلمها ليش وقمت أصارخ
ولما وصلت البيت لقيت مي قدامي تنطرني
يتبع...........
موضوع: قصه معبره 
الإثنين مارس 31, 2008 10:19 pm
