من طرق أصلاح الذات enter

أذن المؤذن .. الله يصلحك


خليني شويه ... ملحوق على الصلاة


ايه صح .. نسيت إنك ضامن عمرك


ماني ضامن .. بس يعني ما جات على هذا الفرض


فكرتني .. الله يذكرك بالشهاده


خير


اليوم بعت الأسهم وربحت خمسة الآف .. وقلت اعطيك نصفها


ويش هالكرم المفاجئ


أبد .. ربحان وما عندي نية اسافر في الصيف وأنت أخوي وتستاهل لاجل تصلح سيارتك .. تبغاهم ولا .. لا


أيه ابغاهم .. سلمني اياهم الله يجزاك خير


خذ بطاقة الصراف وريحني .. تعبان وواصلة حدي .. ولا خليها بعدين


ويش بعدين الله يهديك .. لا تغير رايك .. هات .. هات


سبحان الله


خير


الحين علشان الفين وخمسمية تقوم .. وداعي الرحمن يقول حي على الفلاح ما تقوم


شكلك تتريق علي


ابد بعطيك .. لكن ويش الفين جنب ركعه ولا سجده لله .. ولا إنت ما تصدق بأجر الصلاة


أصدق .. أصدق .. بس هات البطاقه


بعطيك بس اصبر .. خليني أذكرك بشي


اتفضل .. ابو الذل الي بتعيشني اياه


ياعم اسمعني واعتبر نفسك في حصة دين وباقي على جرس الفسحه دقائق


الله يطولك يا روح


الحين اول نعمه أعطاك اياها الله عز وجل .. ايش


اتفضل قول .. مو أنت المدرس هنا


أنه خلقك .. والخلق بحد ذاته نعمه


انتهينا ؟؟؟


لسه .. وفضلك على كثير ممن خلق ( ولقد كرمنا بني آدم )


تخيل لو كانت روحك في جسد حيوان مثلا


احترم نفسك


اقول مثلا .. وبعدين من بين كل الخلق من الجن والإنس حطك مسلم .. تخيل


متخيل .. خلصنا


لا .. مانت متخيل .. تخيل لو انك يهودي .. ولا بوذي .. ولا من قوم فرعون ولا من قوم هود ولا قوم صالح .. ملايين من البشر ولا أي ملة


تخيلنا


لا .. ما تخيلت .. ابيك تحس يوم تقول انا ابراهيم ..وتسكت ... الله عز وجل خلق الخلق وبعدين نظر في كل الملل والأديان .. وقال سأتفضل على إبراهيم واجعله من المسلمين .. واختارك أنت من بين مليارات من الناس ...وكل هذول .. يجوا يوم القيامه يتمنوا يكونوا مكانك ...يا خوي ... كذا تخيل .. تعرف فضل الله عليك


الحمدلله


لسه .. باقي


هات .. عجبتني الهرجه


ومن بين كل الأمم والمسلمين .. قال سأمن على عبدي إبراهيم .. وأخليه في أمة محمد .. خير أمة أخرجت للناس .. شوف يا غالي .. كم مليار شخص إنحرم من هذه النعمه .. تخيل فضلك على المسلمين إلي في الأمم .. وحطك في هذه الأمة .. قول لي .. ويش فيك أحسن من هالمليارات من البشر لاجل تكون احسن منهم


صدق كلامك .. الحمدلله


طيب .. ويوم ربنا يقول يا عبدي .. يا من اخترتك وفضلتك على كثير من خلقي وحطيتك في أحب أمة عندي .. تعال .. حي على الفلاح .. تعال ارضيني لأجل ارحمك وأرزقك .. وأعطيك من خير الدنيا والآخره ... قوم وارضيني .. وحق علي أرضيك .. تعال أنا ربك .. مالك غيري .. لمتى أصبر عليك .. تيجي وتقول خليها بعدين .. ويش هالقسوة إلي في قلبك يا خوي . هي قسوة .. ولا جاحد فضله .. علمني أي منهم أنت


لا .. قسوه .. ولا جاحد


يصير ما بقي غير تفسير واحد


ايش


انك غافل... والمشكله إنك ماتدري


يا أخي .. انا والله ودي .. صليت مرة وحسيت بشي كذا مدري .. يمكن ربنا ما يبغاني اهتدي


كيف هالكلام .. مستحيل .. وربنا يقول ومن أتاني مشيا أتيته هروله . يعني شوقك للطاعه أقل بكثير من فرحته بطاعتك .. شوف هالمحبه .. شوف هالحنان ... لا تتوقع تكون عاصي طول حياتك .. وتشعر بالخشوع من أول مرة .. عمر الدواء ما اثر من أول جرعة ... إلا من رحم ربي


خليها على الله


صدقني مجرد ما تبدأ تتوضأ .. كل الشياطين تجتمع عليك وتبدأ تكسلك .. تحسسك بكتمه في صدرك .. يا اخوي .. انا ابغاك تروح الجنه .. يا خوي .. والله أخاف عليك من النار.. يا خوي اليوم انا انصحك بكره اشرد عنك ... ( يوم يفر المرء من أخيه ) ... ليه ما تصدق .. ليه يا خوي لو حكيت لك عن قصه ولا حادث لولد الجيران تتخيله... وهاليوم ما تقدر تتخيله ... ولا هالقصه بايخه .. ولا ممله .. ولا مستحيله .. المشكله إن هالقصه انت وأبوك وامك من أبطالها.. واحداثها معروفه ... بس النهاية انت تختارها ويش رأيك تجرب هالطريقه


أية طريقة


باعلمك عليها .. لكن بشرط تنفذها .. بسألك سؤال .. كم مدة أي تمثليه تشوفها



قول ساعه


طيب .. هذه محتاجه أقل من ساعه .. وهي مجربه ومعروفه ولا اقولها لك إلا لأنك عزيز وغالي


اولا .. تيجي في الليل وتشغل الكيف


وليه اشغل المكيف !!!


لأنك بتشوف حرب ابليس على الطبيعه .. شي ملموس .. ولا عمرك رايح تحس بقربه مثل هاللحظه .. حتحس بكتمه في صدرك وحراره في جسمك لأن ابليس مخلوق من نار .. خاصة إنها أول مرة .. وشي يقول لك خلص .. مو وقته .. خليها بعدين .. تحس إن اهلك ينادون عليك .. تفتكر اشياء يا كثرها


لهالدرجه ؟؟


صدقني وأكثر .. هذه حرب بينك وبين إبليس


ولا تنسى تقرأ المعوذات وتتعطر وكأنك مقبل على لقاء ما حصل


.. وتتوضأ وتصلي ركعتين واستفغر شويه شيل الران إلي على قلبك .. وبعدها ركعتين خالصة لله يكون قلبك بدأ يلين وعلى مهلك .. ما وراك شئ .. وتبدأ في السجود تدعي وتطلب المغفرة وطول وتخيل إن الله عز وجل ينظر إليك وأنت ساجد عند العرش .. وارجع اتخيل أكثر .. وأكثر ... تذلل وتباكى .. مثل إنك تبكي .. واعصر نفسك في سبيل دمعه وحده .. اقسم بالله بعد عشرة دقائق من التذلل رايح تبكي غصب وإذا نزلت أول دمعه الباقي يلحقها وتبدأ تذوق لذة الذل لله


سجده مدتها ربع ساعه إدعي فيها من قلبك كررها في الركعتين تغير حياتك سنين .. كل شياطين الدنيا رايحه تحاربك وتحاول إنك ترفع من هالسجده بقوه .. سجده تودع بعدها حياتك إلي فاتت .. قبل ما ترفع قول يا انا يا الدموع


هذي البدايه .. وبعدها اسأل الله الثبات


منقووول



ختاما



( قل لعبادي الذين أمنوا يقيموا الصلاة )



الستم عباده الذين أمنوا .. اهذا الخطاب لغيركم .. أنزل لليهود .. أنزل للنصارى .. الستم من أمة محمد .. ما بكم يا أمة محمد .. مالكم يا خير أمة ما اشد قسوة تارك الصلاة على ربه




اخواني .. اخواتي .. هذه الطريقه مجربه كثيرا .. ما اعلم احد جربها إلا وافلح وبعد ذلك إما أن يثبت الشخص او ينتكس والله المستعان


لا أريد مجامله .. ارجوكم .. احترموا رغبتي ورجائي .. من رأى أنها أفلحت معه فليراسلني على الخاص ويخبرني ماذا حدث معه لعله يفيدني بمعلومه أو أفيده بكلمه أو يثلج صدري ببداية إلتزامه .. أو يدعو لي بدعوه لأنني والله العظيم احسبكم جميعا خيرا مني

منوووووووووووول مبدعه في موااااضيعج

جزاج الله خير