تبين ترفعين ضغط أخوج

هلا شخباركم بنوتات

للبنات وبس..جوفوا اللي مقهورة..واللي تبي تنتقم..واللي تبي ترفع ضغط أخوها تتبع هالخطوات
والله يقويكم

*****عند التلفزيون*****

لاصارت في مباراة..والأخ متحمس..اقطعي هالحماس اشلوون ؟؟
أنا أقولج..
جوفي لاصارت اعيونه امفتحه مثل الكشافات..وهو ولابالدنيا ,,
اهني بس تقومين بشغلج ..وتسوين نفسج بنت سنعه..
روحي وجيبي قطعة قماش وبخاخ للتنظيف واوقفي عند التلفزيون وامسحي الشاشة ولا تعطينه فرصة يجوف عدل..
لي قال:وخري, قولي ماني فاضيتلك بنظف وامسح. بعدين روحي وجيبي المكنسه واكنسي المكان الي هو فيه وحاولي من لحظة للحظه تكنسين قدام التلفزيون وغطي عليه..ولايهمج أحد..وإذا قال:وخري .لاأصكج بكف..قولي امعصي بيجون ضيوف..
العبي عليه حتى لو موجايكم أحد.....

*****عند النوم*****

لاصار الأخ يشاخر..نكدي عليه نومه
اشلون..؟
دخلي عليه اليهال ويهال جيرانكم بعد خير وبركه..
وصكي عليهم الباب..وخليهم يلعبون بغرفته..وينقزون على راسه..
تعرفون أطفالنا أحباب الله ههههههه..
بعدين تعالي وهو في سابع نومه..وصارخي في إذنه ذيك الصرخه اللي مايدري عن نفسه إلا وهو قاعد..وقوليله بكل برود نبي نطلع...

*****إذا المزاج عالزيرو*****

اذا جفتيه ماله خلق ومو رايق ومقفل حده..لاتخافين بالعكس هاذي فرصتج..تنتقمين منه..
خلي دمج ثقيييييل..
انتبهي في هاللحظة راقبي حركات يده للان ممكن يرمي أي شي جدامه بويهج..
ولازم تجهزين مفتاح الغرفة..ماتدرين السالفه ياغالب يامغلوب...
المهم اضحكي على شكله ولا على لبسه ولا على قعدته..هو يقولج ماني فاضيلج ابعدي عن ويهي..
انتي لاتسكتين قوليله وإذا مابعدت شاللي بيصير..
عاد هو بيقوم ويوريج اش بيصير..في هالوقت اقعدي عند أول درجتين توصلج لغرفتج...وطلي عليه من فوق
وقوليله ههههههههههههههاااي أهم شي رفعت ضغطك وقومتك من قعدتك..

******وقت الطق******

لاجا يوم وتبين تطاققين انتي والتمساح لازم تجهزين نفسج من كل النواحي:
الكشه لازم تلمينها وتسوين حفله براسج تحطين أنواع الشباصات والعضاضات وانتبهي ولا خصلة تنزل منج..
إذا بدت المعركه حطي راسج براسه ولاتبينيين إنج خايفه..وخلي عينج بعينه وقوليله شاللي براسك..
عاد هو اهنيه بيقول هذا الي براسي طرااااااااااااخ والأخ متحمس..
لاتستسلمين عطيه بوككككككس على عيونه الثنتين علشان مايجوف دربه..وحطي ريولج وعلى طوووول على غرفتج اللي مجهزة مفتاحها من قبل واقفلي عليج..ويا دار مادخلج شر...
بس نصيحه اقعدي يومين لايجوفج ولا تجوفينه..للانه يبي ينتقم منج كل شي ولا كرامته وراح يوريج النجوم بعز الظهر.....

والله يعين اللي بتسوي كل ذيه

</BLOCKQUOTE>

يه ... تبينا نصير في خبر كان ..

حلوه ارفع ضغط اخوي .. اصلا بدون ما اسوي له يش انطق ..

شلون لو رفعت ضغطه ..

ههههههه

بنات لحد يصدقها ...لو هي صادقه ماكان للحين عايشه ...>>> احرش عليك

خخخخخخخخخخخخخخ

يسلمووووو يالغلا

^_^

ههههههههههههههههههههههههه

يسلمووو عالموضوع

هع همه ترى صج

انا ما عندي اخوووى

لو عندي جاان سوييت

ويسلمووووووو فديتكم ع المرور

خخخخخخ
والله انا واخوي نتهاوش على فاين
ولا حد يسمع كلامها لان ما عندها أخو
حلوه وأضربيه بكس بعينه
والله جان أنا ألحين في العنايه المركزه و لا مت
اما الشرده داخل الغرفه والمفتاح
عاد هذي الكل يسويها بس ترى حركه جبانه
شهنو أشرد من واحد ما يسوى ضفر مني
بالعكس بحس ان أنا جبانه وما عندي شخصيه
و حتى لو أنتصرت بحس اني جبانه
و الله يصلح شان أخوي المشكلجثي
أنا اول ما شوف بعيونه هواش معاي شجول
و انصحكم كلكم تسون نفسي
أقول: والله ترى الجبان اللي يتهاوش مع البنات
ولانه ما لك شخصيه ولا كنت دورت لك واحد هندي بالشارع وتهاوشت معاه
روح يبه تتمرجل علينا روح تمرجل على حد أكبر منك وشوف شبيصير
والله أنك جبان
و اطلع براه من اولها

عجيييييييييييييييييييييييييييييييييييييييبه يبيلي اسويها ..

مرة قلت كلام مقارب لها الكلام شرد اخوي ... لا انا احبج ابيج انتي ابي اكفخج انتي ..

ههههههههههههههههه

بس اخوي طيب وهذي طريقة تعبيره لمشاعره ..

يحب يتحرش ...

^_^

خخخخخخخخخ
عاى الأقل في مشاعر بين الأخوه
أن يا لله يا لله يروح يشتري لي من الدكان
أحنا لا كلام ولاسلام
بس هواش بس

لا فديتج لا مابي ارفع ضغط احد
اصلاً اصلاً

فطورنا هوااش

وغدانا هوواش

وعشانا هوااش

هذا وانا مااسويله شي عيل شلون لو رفعت ضغطه

كان مسحني من الوجود

بس تدرين يمكن اسويها
بس

مو اخوي الي اكبر مني الي اصغرمني طبعاً

تحياتي لج رهيبه قطر

..صدق الوعود..

هههههههههههههههههههه

هذا احنا مانقدر على الكبير

نروح للصغير

^_^

لاااااااااااااا شدعووووه

هذااا زمااااااان لما كنا نتهاوش وتكفخ وضرب لما كنا صغاار

الحين محد يتجرأ يضرب الثاني الا في حالات يعني

أتخيل شكلنااا نتهاااوش وتكفخ ويالله بووووف طراااااخ .. عاااشووااا .... طمبق << طيحه سنعه هههههههاااااي

بنااات اللي تبي تحط مكياااج بنفسجي

هذي الطريقه

انك ترفعين ضغط اخوك وبوكس على عينك والنتيجه عين بنفسجيه ومنتفخه طبيعي بدون بوتوكس >> هذا هو الشكل النهااائي (o)_*

<<< حركااااات ^_^

ههههههههههههههههههههههههههههههههههه
والله حركااات عجيبه صج بيتنرفز أخوووووووي .. *_^
يسلمووووو خيتييي ع الطرح ..

اهااااااااااااااا
وكاد انج تبين تخلصين علينا
لابالله عشنا

والله نصايح حلووووووة بس اللي ما تبي روحها تتبع النصايح.......عني انا سويتها من قبل وانطقيت بدون تفاهم

وما لحقت اسوي باقي النصايح.....ههههههه(من البدايه طرررررررررررررخ).>>>>البنت ما حصلت ضروسها :PEAT1:

بس نصيحه اقعدي يومين لايجوفج ولا تجوفينه..للانه يبي ينتقم منج كل شي ولا كرامته وراح يوريج النجوم بعز الظهر.....
والله يعين اللي بتسوي كل ذيه

الصرااحه نصيحتج قطعتني...
المشكله اللي مخلي اخوي يستقوي هو طووووووووله..
اطول مني باااااالراااحه ..مااقدر اوصله..

ياما رفعت ضغطه بس دمه باااااااااااارد..

رهيبه تبين توهقينا..
انتي مرتاحه ماعندج اخو..بس حنا اللي بنبتلش...

» تبين تغيرين نكج ؟؟!!
» هذه القصة من اجمل القصص تبين لماذا خلق الله الالم و المعاناة